Tjue
IT-ansvar tilpassa mindre bedrifter
NN EN

Ein fast IT-ansvarleg, utan å tilsetje ein.

Mange bedrifter med 5–50 tilsette har ikkje behov for ein IT-ansvarleg i full stilling — men treng likevel nokon som kjenner systema, tek ansvar, og kan gje råd når det trengst.

Tjue tilbyr det som svarar til ei 20 % stilling: éin fagperson som arbeider tett med bedrifta di over tid, og som nyttar AI-verktøy der det gjev meining.

For
Bedrifter med 5–50 tilsette
Form
Fast kontakt, 20 % stilling
Omfang
Drift, rådgjeving, skreddarsydd programvare
Pris
20 000 kr / månad, eks. mva
Namnet Tjue viser til omfanget — ein femtedel av ei stilling
20%
hei@tjue.no
Fjaler
Praksis

Kva inneber det, konkret?

Du får ein fast IT-kontakt som set seg inn i korleis bedrifta di faktisk nyttar teknologi.

Den personen følgjer opp tryggleik og drift løpande, hjelper med innkjøp og leverandørkontakt, og er tilgjengeleg når noko dukkar opp.

Det er ikkje eit helpdesk-abonnement eller ein supporttelefon. Det er ein fagperson med kjennskap til bedrifta di og reelt ansvar for at ting fungerer.

Vi nyttar AI-verktøy der det gjev meining — ikkje som marknadsføring, men som ein måte å arbeide meir grundig på, på færre timar.

Skreddarsydd

Programvare som passar bedrifta — og som blir teken vare på.

Der hyllevareløysingar kjem til kort, utviklar vi små, målretta verktøy tilpassa den måten de faktisk arbeider på.

Det kan vere eit internt dashbord, ein integrasjon mellom system de allereie nyttar, eller ein enkel applikasjon som fjernar eit manuelt arbeid som tek for mykje tid.

Vi syter òg for at det blir ansvarleg hosta — på norsk eller europeisk infrastruktur, med rutinar for tryggingskopi, overvaking og oppdatering.

Du skal ikkje måtte tenkje på kvar ting køyrer, kven som har tilgang, eller kva som skjer dersom nokon sluttar. Det er ein del av ansvaret.

Pris

Fast pris. Ingen overraskingar.

Kroner per månad, eks. mva 20 000 inkl. løpande oppfølging
IT-ansvarleg, heil stilling
60–90 000 kr / mnd + overhead
Laus konsulentavtale
Billegare per time, utan kontinuitet
Tjue
Fast ansvarleg, føreseieleg pris

Tjue er ikkje for alle. Men for bedrifter som treng ein ansvarleg IT-person utan å tilsetje ein, kan det vere rett løysing.

Kven passar det for

Du kjenner deg kanskje att i noko av dette.

  • i
    De har IT-spørsmål som har lege uavklarte lenger enn de er komfortable med.
  • ii
    De nyttar ein handfull skytenester utan at nokon eigentleg eig dei.
  • iii
    De ønskjer ein fast å halde seg til, framfor å leite etter hjelp når noko går gale.
  • iv
    De vil ha nokon som tek ansvar — ikkje berre svarar på førespurnader.
Kontakt

Lat oss ta ein kort prat.

Vi startar gjerne med ein uforpliktande samtale om situasjonen din — kva for system de nyttar, kva som har hopa seg opp, og om Tjue er rett for dykk.

hei@tjue.no